Pito ka polis ang “Drug protectors”

CEBU, Philippines - Pangalan sa pito ka polis nga “drug protectors” sa dakbayan sa Talisay anaa na sa buhatan sa Provincial Intelligence Branch matud ni Superintendent Carmelo Dayon, hepe sa Talisay City Police Station. Si Dayon mibutyag nga ang maong mga puolis kanhi nadestino sa Talisay apan nabalhin na kini sa laing lungsod apan hangtud karon nagpadayon gihapon ang maong ilegal nga buhat. Usa kanila usa ka retirado na nga polis.

“Nikiat na sila diha kay dunay gisaligan pero ang names naa na sa PIB for validation,” butyag ni Dayon sa mga tigbalita.

Apan sigon ni Superintendent Rodulfo Albotra, hepe sa PIB, nga text message lang ang iyang nadawat ug walay listahan nga gikan kang Dayon.

Ang mao usab nga mga pangalan subject for verification pa usab kay wala kini supporting documents.

Bag-uhay aning buwana, sobra sa tunga sa milyon nga kantidad sa shabu ang nasakmit  sa gipahigayon nga operasyon diin pito ka mga suspek ang nasikop didto sa Barangay Tangke, Talisay City. (BANAT NEWS)