CEBU, Philippines - Team leader sa Provincial Intelligence Branch (PIB) sa Cebu Provincial Police Office (CPPO) maoy usa sa napulo ka Most Outstanding Policemen in the Country nga napili sa Metrobank Foundation niadtong Lunes.
Si SPO1 Reynaldo Solante usa sa unom ka mga police non-commissioned officers nga napilian ug nag-inusara lang nga napili sa tibuok rehiyon. Upat usab ka police commissioned officers ang napili.
Ang pasidungog pormal nga ihatag ni Presidente Benigno Aquino III ug ni Philippine National Police Chief Alan Purisima karong Septiyembre 5 sa kauluhan.
Matud ni Solante nga ang maong award pagpamatuod kini kun nganong wala siya kanunay sa kiliran sa iyang pamilya.
Ang paghatag sa award gibase sa pito ka mga “major accomplishments” ni Solante nga naglangkob sa crime solution ug crime prevention sama sa community service.
Usa nini ang case build up sa assassination plot batok kang Balamban Vice Mayor Joel Dumdum adtong Pebrero nga miresulta sa pagkasikop ni Jonathan Rubi ug pagkapusil patay kang Edgar Escalante sa boundary sa Asturias ug Balamban. - /EIM) (BANAT NEWS)