Papa ug anak gipangtigbas

CEBU, Philippines- Nalandig sa tambalanan ang amahan ug anak human sila gipangtigbas sa ilaha ra usab paryente diha sa Barangay Bodbod, Barili Cebu niadtong nakalabay nga adlaw.

Ang mga biktima naila nga sila si Melchor Fat, 50, ug ang 15-anyos niyang anak nga dalagita, ang suspek mao si Ciriaco Labora, 49, paryente ra sab sa mga biktima.

Sumala pa ni PO2 Jotemar Tejano sa Barili Police Station nga nahinabi sa Banat News nga dugay na nga nagkabikil si Melchor ug Ciriaco ug nagkabikil na usab nianang adlawa dihang gibadlong sa biktima ang suspek tungod sa pagpangabli niini sa bintana sa ilang balay.

Apan inay nga mopailob, mikuha og sundang ang suspek ug gisulod ang mga biktima ug gipangtigbas.

Nakaangkon og samad tinigbasan sa nagkadaiyang parte sa kalawasan ang mga biktima nga dali sab nga gidala sa Barili District Hospital. Ang suspek nadakpan sa mirespondeng mga polis.  - /EIM) (BANAT NEWS)