Bag-ong LLCC building gisubhan

CEBU, Philippines - Gisubhan na ang bag-ong natukod nga edipisyo alang sa 500 kapin ka tinun-an sa Lapu-Lapu City College nga gipangulohan ni Mayor Paz  Radaza.

Ang maong edipisyo nahuman pinaagi sa P14 milyones gikan sa pundo sa buhatan ni kanhi kongresista Arturo Radaza samtang gidugangan sa kagamhanan sa dakbayan sa Lapu-Lapu. Samtang gipasalig ni Mayor Radaza nga dili angay mabalaka ang mga ginikanan sa pagpatungha sa ilang mga anak sa maong kolehiyo tungod kay dili na molabang sa taytayan o kaha sa dagat aron motungha sa mga kolehiyo sa dakbayan sa Sugbo ug sa Mandaue.

Matud ni Radaza nga dakung bintaha sa mga ginikanan ang pagtukod sa kolehiyo sa dakbayan kay nagpasabot kini sa pagkunhod sa gastohanan sama sa allowance sa matag adlaw ug pletehan. (BANAT NEWS)