CEBU, Philippines - Mikabat sa 18 ka kawani sa barangay ang na positibo sa gipahigayong drug test sa Inayawan, Bulacao ug Lorega–San Miguel sa dakbayan sa Sugbo.
Ang upat sa Bulacao mga tanod ug drayber samtang usa sa pito sa Inayawan niangkon na’ng daan sa wala pa ang drug test ug usa ang babaye sa unom nga na positibo sa Lorega–San Miguel.
Matud ni Dr. Alice Utlang, pangulo sa Cebu City Office for Substance Abuse Prevention (COSAP), nga kasagarang gipang-gamit sa mga napositibo mao ang shabu ug marijuana.
Gitugyan sa COSAP ngadto sa mga barangay kapitan ang katungod kung unsaon nila ang hingtungdang mga kawani samtang padayon ang out-patient rehabilitation sa mga gustong mopaubos niini. (/GMR)(BANAT NEWS)