CEBU, Philippines - Si Mayor Michael Rama miisyu na og Executive Order nga nagmugna sa Ban-Tal Traffic Management Council nga siya ang nangulo ug mitudlo ni magpapatigayon Bunny Pages isip co-chairman.
Ang mao nga grupo gilangkoban sa 16 ka mga sakop nga gikan sa lainlaing sektor, opisyal sa City Hall, mga opisyal sa barangay, magpapatigayon ug kapolisan.
Base sa Executive Order sa mayor nga ang mga sakop sa Ban-Tal Traffic Management Council gitahasan nga mohimo og sugyot unsaon pagsulbad ang problema sa trapiko sa Governor Mariano Cuenco Avenue, ang naila nga Banilad-Talamban Road.
Ang CITOM mipatuman og kamandoan nga gidid-an ang “left turns” diha sa Ban-Tal Road gawas lang sa unom ka mga dapit atol sa “peak hours” sa buntag gikan alas sayes ngadto sa alas nueve, ug alas kuwatro sa hapon ngadto sa alas otso sa gabii.