Paggamit og pacifier “unethical”–DOH Usec. Garin

CEBU, Philippines - Mismo si DOH Undersecretary Dr. Janette Garin na ang misulti nga dunay nahimong kalapasan ang Cebu Puericulture and Maternity House Inc. may labot sa paggamit og pacifier aron mohunong sa paghilak ana mga masuso. Matud ni Garin nga gidili kini ug usa ka unethical nga buhat ang pagbutang og pacifier. “Unfortunately we realize ilang himoon butangan nila og pacifier ang baby para dili mohilak that is not good and that is very unethical,” matud ni Garin. Tungod sa maong insidente mihatag na sila og warning sa Maternity House ug gikalipay sa DOH nga migawas ang maong isyu aron makorihian ang maong sayop nga pamaagi nga gi-practice sa Maternity hospital. Nasayran nga kun dili motuman ang tambalanan sa polisiya posibleng dili ma-renew ang lisensiya niini nga bugtong ang DOH lang maoy mohatag. (BANAT NEWS)