CEBU, Philippines - Mitahan sa iyang kaugalingon si Senador Jose “Jinggoy†Estrada sa kapolisan kagahapon sa buntag human nga mipagawas og warrant of arrest batok kaniya ang Sandiganbayan tungod sa kasong plunder kalabot na sa pork barrel scam.
Didto sa Camp Crame mitahan sa iyang kaugalingon si Jinggoy kauban sa iyang pamilya ug mga igsuon. Sa wala pa motahan si Jinggoy mihapit pa siya sa balay sa amahang si Mayor Joseph Erap Estrada.
Matud pa ni Jinggoy nga andam niya nga atubangon ang pamasangil batok kaniya tungod kay wala siya’y sala.
Si Estrada miinsister nga inosente siya sa mga pasangil batok kaniya miingon ngadto sa iyang mga anak nga dili sila angay nga maulaw sa iyang gidangatan karon.
Una na nga mitahan si Senador Ramon “Bong†Revilla Jr. sa kapolisan sa sama gihapong kaso ug karong adlawa gipaabot nga si Senador Juan Ponce Enrile na ‘sab ang malutsan og warrant.
Ang tulo gilambigit sa P10 bilyones nga pork barrel scam nga giingong gimaniobra ni Janet Lim Napoles kinsa napriso na usab karon. (BANAT NEWS)