CEBU, Philippines - Gipasalig ni Cebu City Mayor Michael Rama nga magamit na sa Lunes ang bag-ong school building nga gipatukod alang sa mga tinun-an sa Busay Elementary School.
Daku ang kalipay ni Rama nga hapit na mahuman ang bag-ong tunghaan.
Nakahukom ang lokal nga kagamhanan sa dakbayan nga tukuron ang bag-ong building human nabutang sa peligro ang daan nga tunghaan gumikan sa pagdahili sa yuta.
Gitugyan ni Rama ngadto sa kadagkoan sa tunghaan kung unsaon nila ang luna sa ubos nga bahin sa bag-ong gitukod nga tunghaan. (BANAT NEWS)