16-Anyos nga katabang gilugos sa agalon
CEBU, Philippines - Usa ka 56-anyos nga lalaki ang gisikop sa kapulisan human pasanginli nga milugos sa usa ka 16-anyos niini nga katabang Martes sa gabii didto sa Barangay Sangat, San Fernando. Ang suspek kansang pangalan gipugngan sa Banat News aron di mailhan ang biktima nasikop sa kapulisan sa gipahigayon nga hot pursuit operation sa miaging adlaw sa iyang pinuy-anan. Nagtingkagol na kini karon sa karsel sa San Fernando Police Station ug pasakaan og kasong rape sa fiscal’s office.
Matud ni PO1 Edsel Ricablanca, arresting officer, nga ang biktima natulog kini sa iyang lawak sa dihang misulod ang suspek ug miamong-among kaniya.
Mangayo unta kini og tabang apan gisap-ongan sa suspek ang iyang baba ug gibaharang dili siya pasiyagiton.
“Nakurat na lang ang biktima kay mao na man iyang namat-an nga nagpatong na ang iyang amo,†matud ni Ricablanca kinsa midugang nga giubanan ang biktima sa kaila niini ngadto sa buhatan sa kapulisan.
Nagdumili sa pagkuyog ang suspek ug mihimakak kini sa pasangil apan nakumbinsir ra usab kini sa Women’s and Children’s Protection Desk officer ug sa Department of Social Welfare and Development. (BANAT NEWS)
- Latest
