Cebu Normal University alumni homecoming

CEBU, Philippines -  Ang Federation of Cebu Normal University Faculty Association Inc. kun FCNUFAI pinanguluhan ni Dr. Recaredo Borgonia subling nanawagan sa tanang graduates sa CNU sa pag-apil sa himuong grand alumni homecoming unya sa Hunyo 21 adlaw nga Sabado. Sugdan kini sa alas 8 sa buntag unya matapos kini sa alas 5 na sa hapon tungod sa daghang programa ug kalihokan nga pagahimuon sa maong adlaw nga sugdan sa usa ka Santos nga misa. Duna say ipahigayon nga awarding sa giilang garbo sa CNU 2014 nga gilangkuban sa mga graduates sa maong tunghaan nga nagmalampuson sa ilang tagsatagsa ka kawsa ug negosyo. Si Dr. Marcelo Lopez ang presidente sa CNU mipahibawo nga dako kini nga kalihukan kay ang tanang graduates sa elementarya, high school ug kolehiyo apil sa giawhag nga makaapil sa maong talagsaon nga kalihukan nga mahitabo na karong Sabado. Busa ilang giawhag ang tanan sa pagparehistro gilayon sa dili pa ang Sabado aron alegre ang grand alumni homecoming sa maong tunghaan. (BANAT NEWS)