CEBU, Philippines - Duna nay tawo nga gikostudiya ang Davao City Police Office may labot sa kamatayon sa Sugboanong negosyante nga si Richard King sumala pa sa usa ka opisyal sa Philippine National Police.
“We have identified a suspect, in fact the suspect was already invited for questioning. Facial composite was already made, and we have published that,'' matud pa ni Chief Superintendent Reuben Theodore Sindac ang tigpamaba sa PNP sa report sa ABS-CBNNews.com. Apan sa nakuha nga impormasyon gikan sa kasaligan nga tinubdan sa Banat News sa dakbayan sa Davao, kini mitug-an nga gibuhian na ang maong tawo gumikan walay nakita nga basehan nga magkonektar sa kamatayon sa maong negosyante.
Ang tinubdan miingon nga duna pay lain nga gipangita ang kapulisan ug nagpadayon pa ang “man hunt operation†batok niini.
Ang Banat News misuway sa pagtawag sa director sa Davao City Police Office nga si Senior Superintendent Vicente Danao Jr. apan dili makontak ang cellphone niini.
Kagahapong adlawa gihatud na sa kataposang pahulayan si King diha sa Cebu Memorial Park ning dakbayan sa Sugbo. (BANAT NEWS)