Bidding sa security agency sa Kapitolyo usbon
CEBU, Philippines - Gipahibawo ni Gob. Hilario Davide III nga mopahigayun og laing bidding ang kagamhanan sa lalawigan sa Sugbo alang sa bag-ong security agency nga mohatag og seguridad sa Kapitolyo.
Matud ni Davide nga ang GDS ug Tactical Security Agency ang mag-ilog sa maong posisyon human gi-disqualify na ang Black Pearl nga mao unta ang nakakuha sa pwesto.
Nalambigit og mga isyu ang Black Pearl sa dihang nisugod pag-duty ang ilang mga security guards bisan wala pa’y kontrata sugod niadtong Hunyo 1 hinungdan nga gipahunong kini niadtong Sabado.
Usa sa ilang security guard ang nakapusil sa drayber sa habal-habal human aksidenteng nakapaboto sa iyang armas. Laing reklamo mao nga wala’y nagbantay nga guwardiya sa Cebu South Bus Terminal apan gihimakak ni Davide.
Giklaro ni Davide nga kinahanglang dili dugayon ang bidding kay kinahanglanon na ang serbisyo sa mga guwardiya sa Kapitolyo. (BANAT NEWS)
- Latest
