CEBU, Philippines - Misaka og P13 milyones ang nakolektang real property taxes sa kagamhanan sa lalawigan sa Sugbo sukad Enero hangtud Mayo ning tuiga.
Matud ni Emmanuel Guial, officer-in-charge sa Provincial Treasurer’s Office, nga mas taas og 40 porsiyento ang ilang koleksyon itandi sa susamang mga buwan sa niaging tuig.
Usa sa hinungdan nga gitumbok ni Guial mao ang pagsaka sa market value sa real properties.
Ang Kapitolyo nakabaligya og luna nga yuta sa tag P140 matag metro kwadrado gikan sa orihinal nga presyo nga tag P100 matag metro kwadrado.
Matud ni Guial nga ang pagsaka sa nakolektang buhis dakung tabang alang sa pagpatuman sa mga programa ngadto sa katawhan. (BANAT NEWS)