CEBU, Philippines - Mikabat ngadto sa P300 mil ang danyos sa nahitabong sunog kagahapon sa buntag sa usa ka balay diha sa Hacienda Milan, Barangay Maghaway, dakbayan sa Talisay.
Sa imbestigasyon sa kabomberohan sa Talisay nga ang kalayo sa sunog diha kini magsugod sa ikaduhang andana sa balay nga gipanag-iya ni Susan David.
Gituohan nga electrical misuse ang hinungdan sa maong sunog hinuon walay gikataho nga naangol sa insidente.
Gikataho usab nga walay tawo diha sa balay ni David dihang miulbo ang kalayo.
Ang kalayo sa sunog napawong kini sa kabomberohan mga 10 minutos gikan sa ilang pag-alarma ug wala kini makatapon sa tapad nga balay. (BANAT NEWS)