CEBU, Philippines - Gikuyawan ang mga residente sa Sitio Angasil, Mactan sa dakbayan sa Lapu-Lapu tungod sa naglutaw nga usa ka lungon sa bata diha sa dagat kagahapon sa buntag.
Matud pa ni Station 2 Police Chief Conrado Manatad nakugang ang mga tawo sa puting lungon nga naglutaw sa dagat, sa pagsusi niini wala kini sud.
Sa pagsubay ni PO3 Luisito Ernie ug PO1 Jade Querubin nasuta nga usa ka batang babaye nga walo ka bulan ang pangidaron namatay gumikan sa sakit nga tipdas sa maong dapit diin ang inahan niini mao si Cristelita Maloloy-on.
Matud pa ni Maluloy-on hinatag sa mga politiko ang maong lungon sa batang namatay apan dili kini pasigo sa dihang ila kining gibutang sa lungon maong ilaha kining gipadaplin aron sunogon ug gihimoan og laing lungon ang bata apan naabot kini sa dagat ug gianod. (BANAT NEWS)