Duha ka CCPO policewomen giimbitar sa Malacañang
CEBU, Philippines - Duha ka mga babayeng polis nga naggikan sa Cebu City Police Office (CCPO) ang nalakip sa “Top 10 Most Outstanding Police Woman in the Philippines†ug nag- courtesy call sa Malacanang, atubangan ni Presidente Benigno Simeon “Noynoy†Aquino III.
Niadtong Mayo 3, pormal nga gipasidunggan ang napulo ka mga ngilngig nga babayeng polis lukop nasud, duha kanila gikan dinhi sa Sugbo nga sila si Police Inspector Arieza Otida, ang Pre-Charge Investigator sa Investigation and Detection Management Branch (IDMB) ug ang imbestigador sa Homicide Section nga si SPO1 Ruth Violango.
Sa pakighinabi sa Banat News kang Violango, nagpasalamat kini sa maong pasidungog kun diin mismo ang presidente pa sa nasud ang midapit kanila sa Malacañang.
Matud pa ni Violango nga kini maoy labing unang major award nga iyang nadawat sukad nga siya nahimong polis.
Samtang dili sab masukod ang gibati nga kalipay ni Otida nga naapil sab siya sa maong pasidungog.
Matud pa niya sulod sa iyang napulo ka tuig sa serbisyo, mao pa usab kini labing una niyang pasidungog. Ang maong pasidungog ang miagi kini sa makuti nga pagpili nga nagsugod pa kini sa nakalabay nga tuig, diin gikan sa 40 ka mga contenders gikan sa ubang rehiyon maoy gipilian. (BANAT NEWS)
- Latest
