Supply sa tubig sa mga tunghaan ipasiguro nga luwas imnon–CHO
CEBU, Philippines - Gimanduan sa Cebu City Health Office ug Cebu City Disaster Risk Reduction Management Council ang Metropolitan Cebu Water District (MCWD) nga mopahigayon og water sampling sa mga tunghaan sa siyudad sa Sugbo.
Matud ni Konsehal Dave Tumulak, ang pangulo sa CCDRRMC, walo pa ka eskuylahan ang nahuman sa maong laboratory examination.
Apan nagkanayon ang tigpamaba sa MCWD, si Charmaine Rodriguez-Kara nga nahuman na nila ang 21 ka tunghaan nga gi-request ni Tumulak nga ipaubos sa eksaminasyon.
Matud ni Tumulak nga ang Cebu City Central School nahagbong sa maong eksaminasyon. Giklaro hinuon ni Kara nga ang deep well sa maong tunghaan dili gikan sa MCWD.
Sigon ni Kara nga dili siya makabutyag kun unsa nga virus ang nakit-an sa maong tubig.
Mibutyag si Tumulak nga dili makasigurado ang mga katawhan kun limpyo ang ilang tubig kun dili ipaubos sa eksaminasyon kay matud pa, uwan ug init ang miagi sa siyudad ug sa sulod sa duha ka bulan, walay tawo ang mga tunghaan.
Gihangyo niya ang mga ginikanan nga pabawnan ang mga anak og tubig aron makasiguro nga limpyo ang giinom niini.
“Dili pud ta kaingon nga i-bawal, pero kun imnon gani, pabukalan g’yud para sigurado g’yud nga safe,†matud sa konsehal.
Misugot hinuon ang MCWD sa maong hangyo ug ilaha kining himuon kada adlaw sama sa gihimo nila nga random water testings sa ilang franchise areas. (BANAT NEWS)
- Latest
