Titser gikawatan P200 mil

CEBU, Philippines - Gisakiyo sa wala pa mailhing kawatan ang P200 mil nga kwarta sa sulod sa balay sa usa ka maestra sa Binaobao, Bantayan human lungkaba ang gisudlan niining cabinet.

Ang biktima mao si Nida Quijano, 53, magtutudlo sa Doong Elementary School sa lungsod sa Bantayan ug tresurera sa Doong Teachers Cooperative Association.

Giingong giguba sa kawatan ang kural nga kawayan sa luyong bahin sa balay ni Quijano dayun gitangtang ang tulo ka jalousie blades sa bintana sa atubangang bahin ug maoy giagian sa pagsulod sa balay.

Ang kapolisan nagduda nga nakaila ra sa biktima ang kawatan sanglit suhito kini sa nahimutangan sa kwarta. (BANAT NEWS)