Polis mi-deny sa salvaging
CEBU, Philippines - Usa ka polis nga giimbestigar may kalabotan sa lalaki nga gipatay ug gisulod og maleta mihimakak sa mga pasangil kaniya.
Kini ang gibutyag ni Police Senior Inspector Elisandro Quijano ang hepe sa Homicide Section sa CCPO may labot sa linoog nga pagpatay kang Albert Aninipok.
Wala hinuon ibutyag sa opisyal ang pangalan sa maong polis, apan giingon nga didto kini nadestino sa lungsod sa Tabuelan. Matud pa ni Quijano, nga naapil sa ilang imbestigasyon ang maong polis tungod sa pamahayag sa ginikanan sa biktima nga posibleng dunay kalabotan ang maong polis.
Sumala pa ni Quijano gihimakak sa maong polis ang kalambigitan sa kamatayon sa biktima ug gihimakak usab niya nga siya ang kataposang nabiktima ni Aninipok nga usa ka karnaper. Gani wala siyay kasong gipasaka kang Aninipok sa wala pa kini nakit-ang patay sa kalibonan sa Barangay Babag sa miaging semana.
Wala ‘sab gipadaplin ni Quijano ang anggulo sa drugas, kay nasayran nga dunay “agalon†nga drug pusher ang biktima. (/EIM)(BANAT NEWS)
- Latest
