CEBU, Philippines - Andam motabang ang Operation Smile sa katukuran sa Cebu City Medical Center (CCMC) human nakigtagbo sa kadagkoan si Mayor Michael Rama aron pagpangayo og tabang didto sa Amerika.
Gusto sa maong organisasyon nga himoong usa ka regional hub ang CCMC aron mahatagan og pagtagad ang serbisyong medikal sa dakbayan sa Sugbo lakip na sa kasikbit nga mga lugar.
Ang Operation Smile adunay pagpang-opera sa bungi ug nguhal karong Hunyo sa dakbayan sa Sugbo, tinuig nilang kalihukan kauban sa Mariquita Salimbangon-Yeung Charitable Foundation, Inc.
Gikan sa Amerika, si Rama nihapit kang magpapatigayung Manny V. Pangilinan sa Manila alang gihapon sa pagpangayo og tabang sa CCMC.
Matud ni Rama nga andam usab pagtabang si Pangilinan ug mitanyag nga motabang sa pagdumala sa tambalanan.
Si Rama nipakita sa kahimtang sa CCMC human naguba sa niaging linog. (/GMR)(BANAT NEWS)