Drug test sa City Hall kagahapon negative
CEBU, Philippines - Mga 40 ka kawani nga nadistino sa opisina ni Mayor Michael Rama gipakalitan og drug test kagahapon apan wala’y bisan usa kanila nga napositibo sa gidili nga matang sa drugas.
Matud ni Dr. Alice Utlang, pangulo sa City Office for Substance Abuse Prevention (COSAP), nga random ang pagpili nila kinsa ang gipasumiter og sample sa ihi ug maoy gihimoan og drug test.
Si Utlang miingon nga bisan og wala’y napositibo sa mao nga una’ng hut-ong sa mga kawani, apan aduna pa’y lain nga grupo sa mga kawani gikan sa Mayor’s Office nga pakalitan na usab nila og drug test apan wala motug-an kun kanus-a.
Ang 57 ka opisyal ug kawani sa Barangay Lusaran, bukid nga barangay sa dakbayan sa Sugbo, gipakalitan ‘sab og drug test kagahapon apan wala gihapo’y napositibo sa paggamit og ilegal nga drugas. (BANAT NEWS)
- Latest
