Comelec-7 aduna nay bag-ong direktor

CEBU, Philippines -  Duna nay bag-ong regional director sa Commission on Election (COMELEC-7) sugod karong adlaw nga Lunes.

Sumala pa sa kamandoan sa Comelec, si Atty. Temie Lambino maoy mopuli ni Comelec Region 3 acting director Atty. Rafael Olaño. Si Olaño mao nay molingkod isip acting regional director in capacity sa Comelec-7 sugod ugmang adlawa.

Matud pa ni Atty. Lionell Ritchie Castillano, ang Provincial Comelec Supervisor  sa pakighinabi sa Banat News nga si Lambino kinsa lumad nga taga Pangasinan ug dunay balay sa kasikbit nga probinsya sa Pampanga milingkod na sa Region 3 sugod niadtong adlaw nga Biyernes.

Dugang pa ni Castillano nga si Lambino mismo maoy mi-request niini ngadto sa ilang buhatan aron siya mabalhin duol sa iyang gigikanan. Si Olaño nahimo nang assistant regional director sa Comelec sa National Capital Region sa wa pa kini matudlong acting regional director sa Region 3.

Ang mga opisyal sa Comelec Central Visayas mihangop hinuon sa kalit nga kausaban sa ilang mga opisyal ug mipasalig nga magpadayon ang ilang suporta sa bag-ong regional director.  (BANAT NEWS)