82 natuli sa Toledo
CEBU, Philippines - Niabot sa 82 ka kabataan ang nakapahimulos sa libreng tuli nga gipahigayun sa City Health Department sa dakbayan sa Toledo. Kini ang gibutyag ni Dr. Tiburcio Dacalos human sa ilang gipahigayung libreng tuli sa barangay Bato. Matud ni Dacalos, hepe sa CHD sa Toledo nga adunay 200 ka mga bata ang gipaabot nga matuli sa ilang buhatan apan kapin sa 100 pa lang ang nagpalista.
Sagad sa mga nagpalista mao ang mga bata nga nagpangedaron og otso ngadto sa 12 anyos.
Gawas sa libreng tuli nakadawat usab og libreng tambal ang kabataan nga natuli.
Dugang ni Dacalos nga posibleng mapun-an pa ang ihap sa makabenepisyo sa ilang libreng tuli sanglit aduna pay ubang kabarangayan nga wala masayud sa pagpatuman sa maong operasyon.
Giawhag usab sa labaw sa CHD ang mga ginikanan nga mopahimulos sa ilang libreng tuli operation. (/GMR)(BANAT NEWS)
- Latest
