Amerkano giliog og dunggab

CEBU, Philippines - Nalandig sa tambalanan ang usa ka Amerkano nga nag-bar hopping human kalit nga gidunggab sa iyang liog dihang nag-inusara na lang kini nga nagbalhin-balhin og balay kahilayan diha sa Brgy. Pajo sa dakbayan sa Lapu-Lapu kagahapon sa kaadlawon.

Ang biktima mao si Bert Patrick Hartmann, 42, nagpuyo sa Sitio Kagudoy, Barangay Basak sa maong dakbayan.

Sa pasiunang imbestigasyon ni SPO1 Allan Pantaleon ug PO3 Winston Ybañez, dunay duha ka mga kaubang langyaw si Hartmann niadtong tungora apan miuna og uli.

Samtang nagpaabot siya og taksi aron mopauli, kalit siyang giduol sa usa ka wa mailhing lalaki ug giduslak iyang liog dayong dagan palayo.

Daling gidala sa Mactan Doctors Hospital ang biktima apan dihang gisugdan na sa kapolisan ang imbestigasyon, gikatahong mipadayag kining di siya interesadong mogukod sa tawong midunggab kaniya. (/EIM)(BANAT NEWS)