Sinakmit nga Christmas lights gigaling
CEBU, Philippines - Gigaling sa usa ka Cable Recycling Crusher ang 209 kilos nga Christmas lights nga nasakmit sa Department of Trade and Industry-7 sa tuig 2009 hangtud 2011 nga walay ICC stickers.
Matud sa tagdumala sa Maritrans Recycler Inc. nga managlahi og proseso ang bombelya ug wires sa Christmas lights diin ang wires ipaubos pa gyud og dugang proseso aron mabuwag ang insulation sa copper tungod kay pwede pa man kini magamit samtang ang bombilya deretso na kini sa final disposal.
Ang DTI sa ilang bahin miingon nga kinahanglan nga i-dispose ang mga Christmas lights tungod kay kini ang nalatid sa balaud.
Nadugay ang pag-dispose tungod kay adunay daghang proseso nga giagian sama sa pagpahigayun og hearing aron paghatag og higayun sa mga establisemento nga makaesplikar.
Gitataw sa ahensiya nga kadtong nakalapas sa balaud makabayad og multa nga P150 mil ug mohatag sila sa ilang undertaking nga di na mousab.
Ang kantidad sa maong mga Christmas lights dul-an sa P200 mil. (/GMR)(BANAT NEWS)
- Latest
