Dugang med-tech alang sa Toledo City

CEBU, Philippines - Gikalipay sa pangulo sa City Heath department sa dakbayan sa Toledo ang paghatag og dugang personnel sa iyang buhatan aron sa pagtabang sa pagpatuman sa serbisyong panlawas sa dakbayan.

Si Dr. Tiburcio Dacalos head sa City Health department sa Toledo ang nipadayag sa iyang pasalamat human nga nadugangan og bag-ong upat ka mga Medical Technology personnel   ang iyang buhatan. Ang maong mga Med Tech nagtrabaho isip mga job orders diin gi-assign  kini sa mga nagkadaiyang laboratory facilities sa nahisgutang departamento.

Dugang ni Dr. Dacalos nga dako kaayo og tabang  ang dugang trabahante sa iyang buhatan aron  usab nga makaabag sa  mga daghang pasyente nga mangayo og tabang medikal.

Dako usab nga  abag nga mapalapdan pa ang paghatag og dugang serbisyong panlawas sa dakbayan sa Toledo nga gilangkuban sa 38 ka mga barangay. Nasayran nga dili momenos sa 50 ka mga tawo ang mangayo og tabang atensiyon medical ang mobisita sa Toledo City Health department matag adlaw. (BANAT NEWS)