Hulagway sa pugante gipakatap

CEBU, Philippines - Ang Provincial Investigation and Detective Management Branch miapod-apod na sa litrato ni Roger Lagahit kinsa mieskapo gikan sa Bureau of Jail Management and Penology- Medellin ngadto sa mga bus terminals ug wharfs sa probinsiya sa Sugbo.

Sila si Senior Inspectors Ramil Morpos ug Wilson Abot gimanduan na ni Supt. Rodulfo Albotra Jr., PIDMB chief, sa pagpangita kang Lagahit human kini miikyas sa miaging semana.  Si Lagahit, 25,   taga Barangay Talisay, Daanbantayan.

Matud ni Morpos nga gipakatap na nila ang litrato ni Lagahit sa mga posibleng exit areas sa northern Cebu.

Base sa impormasyon nga nakuha sa PIDMB nga si Lagahit miyembro sa Daginot Gang diin kauban ra usab niini ang iyang mga igsuon ug paryente. Ang grupo ilado sa pagpanulis ug pagpanglungkab sa lungsod sa Daanbantayan. Mikusog ang grupo adtong 2010.

 â€œMao bitaw nang gitawag sila og Daginot gang kay tulison bisan kinsa bahala ug gamay ra ug makuha basta kay naa,” sigon ni Morpos kinsa midugang nga mihinay ang grupo sa dihang nailhan sila sa mga biktima ug napasakaan og kaso. Si Lagahit kauban ni Berly Tudtud, kanhi security guard ug suspek sa Fair Bank massacre sa lungsod sa Daanbantayan, dihang miikyas sa BJMP-Medellin Huwebes sa buntag.

Apan tulo ka adlaw human sa eskapo, mitahan ra usab sa iyang kaugalingon si Tudtud ngadto sa kapulisan. (BANAT NEWS)

Show comments