Pintor nakuryentihan patay

CEBU, Philippines - Namatay gyud ang usa ka pintor human nakuryentihan samtang nag-spray og pintal sa sakyanan sud sa gitrabahoang car repair shop sa Barangay Basak sa dakbayan sa Mandaue niadtong Huwebes sa buntag.

Ang biktimang si Silvestre Miag-ao, 41, namintal sud sa Body Building  and Car Repair Shop nga gipanag-iya ni Guillermo Perez dihang naabtan sa kaubang si Erwin Sandoval nga nagkulob na sa ubos.

Daling gipahibalo ni Perez ang ilang tagdumala ug gitabang kini dayon ug gidala sa mga sakop sa Accident  Control Emergency Response Team (ACERT) ngadto sa Mandaue City Hospital apan gideklarar nga patay na.

Sumala pa ni PO2 Demetrio Abella naabtan nila ang biktima nga wala nay panimuot ug milagom na ang tibuok lawas. (/EIM)(BANAT NEWS)