Labor day malinawon — PRO7
CEBU, Philippines - Gihulagway nga malinawon ang Central Visayas atol sa kasaulogan sa Labor Day kagahapong adlawa bisan pa man sa pipila ka pundok nga mipahigayon og lihok protesta. Si Senior Superintendent Erson Digal, hepe sa Regional Operations and Plans Division sa Police Regional Office 7 miingon sa mga tigbalita nga “generally peaceful†ang tibuok rehiyon kagahapon.
Duha ka adlaw sa wala pa ang Labor Day gibutang sa heightened alert ang tibuok rehiyon. Apan sa dakbayan sa Sugbo sumala pa ni Digal nga dunay mga sectoral groups nga nagmartsa diha sa Fuente Osmeña Rotunda unya nagmartsa padulong sa Osmeña Boulevard ug sa dalan Colon sa dakbayan sa Sugbo.
Si Chief Insp. Wildemar Tiu sa Waterfront Police Station mibana-bana nga miabot og 1,000 ka tawo ang mikuyog sa rally sa Associated Labor Union (ALU).
Samtang 100 usab ang gikan sa nagkalain-laing sectoral groups sanglit duha man ka grupo ang naghimo og rally kagahapong adlawa sa dalan Colon.
Nagsugod og martsa sa dalan ang maong mga tawo sa alas 9:50 sa buntag ug natapos ang maong kalihokan sa alas 11:28 kagahapon sa buntag nga malinawon. (BANAT NEWS)
- Latest
