Brgy Casili, Consolacion, Cebu

CEBU, Philippines - “Diri sa Sto Niño 2 Sir kay daghan kaayo ang nagbaboyan diri pwerte gyong bahua naglaray lang ang mga piggery diri, hinaut nga mahimuan ni’g aksyon kay daghan na kaayo ang nag-antos.”

Brgy Das (Lutopan), Toledo City

“Nagkadaghan na gyod ang adik diri sa shabu sa among lugar wala man gyud ni mahimui’g aksyon sa kapolisan unya ang mga opisyal namo sa barangay hadlukan kaayo wala say gihimo batok ini.”

Brgy Mantuyong, Mandaue City

“Mangayo unta mi’g tabang Sir nga mapaabot sa kadagkoan sa kapolisan ug sa opisyal sa siyudad kay daghan na kaayo ang namaligya’g shabu diri, usa ani naa nagtrabaho sa city hall isip job order kuyawan nami diri.”

Brgy Bolinawan, Carcar City

“Dugay na gyud ni namong problema diri sa sitio Banika Sir kay hangtod karon wala pa gyu’y klarong karsada nga unta daghan na man mga tawo ang nanimuyo diri lisud kaayo ang mga nagpuyo labi na kun dunay paliton sa siyudad.”

Brgy Basak, Lapu-Lapu City

“Naunsa na man tawon ning likod sa Grand Mall kay ngitngit kaayo kay naay 19 ka poste  nga wa magsiga ang mga suga kuyawan nami molakaw kun gabii kay pwerte nang ngitngita sa lugar.”

Brgy Catarman, Liloan, Cebu

“Nagka-grabe na ang illegal nga drugas sa Dapdap dugay na kaayo ning problemaha pero wala masumpo kay ang mga opisyal namo sa barangay wala man sad pakabana bahin aning problemaha.”

Brgy Camputhaw, Cebu City

“Mangutana lang unta ko Sir kun puwede ba diay makatrabaho pa gihapon ang trabahante diri sa among barangay bisa’g nagpositibo dihang gihimo ang surprise drug test sa COSAP kay hangtod karon naa pa man gihapon nagtrabaho.”

Alang sa inyong mga reklamo text lang sa 09071678643 (BANAT NEWS)