Priso gisugo pagpalit sigarilyo nakaeskapo
CEBU, Philippines - Hepe sa kapulisan sa Medellin Police Station ang mag-atubang og imbestigasyon human maka-eskapo gikan sa ilang kostudiya ang 17-anyos ug paglapas sa operating procedure sa Philippine National Police sa pagdala sa piniriso.
Ang Office of the Ombudsman-Visayas ug ang Provincial Investigation and Detective Management Branch mo-imbestigar kang Medellin police chief, Chief Insp. Fructuoso Lim human mireklamo ang 48-anyos nga amahan sa dinakpan.
Matud pa sa amahan gipagawas ni Lim ang iyang anak kay gisugo kini sa pagpalit sa sigarilyo.
Sukwahi kaayo kini sa pangangkon ni Lim nga miikyas ang batan-on agi sa bintana sa Women’s and Protection Desk Office.
“Gi-surrender gani nako ‘to mismo akong anak aron kada-adlaw namo makita bisan og naa sa prisuhan unya ang hepe mismo ang nagpagawas…karon duha ka semana na nga wala namo kit-i,†matud pa sa amahan.
Si Lim mihimakak sa pasangil kay dili nila kaya nga buhian ang dinakpan ilabi na kung maghatag kini kanila og labad sa ulo.
Ang maong batan-on gidakop human kini pasanginli nga nangawat apan wala tinud-a pagkiha sa reklamante ug dihang giandam na unta ang release order niini mieskapo kini. (BANAT NEWS)
- Latest
