CEBU, Philippines - Grand champion na usab ang Lumad Basakanon sa gipahigayong Aliwan Festival didto sa Pasay City human niini gipilde ang mga banggiitang contingents gikan sa lainlaing dapit sa nasud.
Ang Lumad Basakanon maoy nagrepresentar sa dakbayan sa Sugbo sa Aliwan Festival, ang giila nga “mother of all festivals†sa Pilipinas.
Si Eli Espina sa Cebu City Public Information Office (PIO) mitug-an nga gawas sa pagka grand champion, nasakmit usab sa Lumad Basakanon ang Best in Musicality ug Best in Custume.
Gikahinangop kaayo ni Mayor Michael Rama ang kadaugan nga naangkon sa Lumad Basakanon, mga contingents nga gikan sa Barangay Basak-San Nicolas nga gipangulohan ni Kapitan George Rama.
Ang Lumad Basakanon nabutang na sa Hall of Fame dihang sunod-sunod kini nga nahimong Grand Champion mao nga miundang kini sa pagsalmot sa kalihukan, apan giimbitar kini sa tigpasiugda nga paapilon sa indigay sa pasundayag karong tuiga. (BANAT NEWS)