CEBU, Philippines - Usa ka tulisan ang nadakpan human misukol kaniya ang 21- anyos nga babaye nga iya untang biktimahon kaniadtong Miyerkules sa hapon didto sa Osmeña Boulevard, Barangay Sto. Niño, ning dakbayan sa Sugbo.
Ang suspek giila nga si Eduardo Ministerio Jr., 21, nagpuyo sa Ermita Proper, Ermita ning dakbayan. Samtang ang biktima naila nga si Aurora May Andong, taga Banawa, Barangay Guadalupe.
Samtang naglakaw ang dalaga kalit lang nga miduol ang suspek ug mideklarar kini og tulis dayong kuha sa iyang gold bracelet nga nagkantidad og P10 mil. Apan wala mahadlok ang dalaga ug misukol kini sa suspek ug gilayog kini dungan sa pagsinggit pagpangayo og tabang hinungdan nga nadakpan ang tulisan sa nagpatrolya’ng si PO3 Christopher Sanchez. (BANAT NEWS)