CEBU, Philippines - Grabeng naangol ang duha ka managsoon nga bata human sila madasmagi og Isuzu Elf nga trak sa dalan Plaridel,Paknaan, dakbayan sa Mandaue kagahapon sa udto. Ang mga biktima nga sila si Lucy Marie Yugayo, 11, ug Jera Mae Yugayo, 6, mga residente sa maong dapit ug pulos nakaangkon og mga pangos sa kalawasan.
Si PO2 Rex Arnoza, imbestigador sa traffic division sa Mandaue City Police Office (MCPO), miingon nga milabang sa karsada ang duha dihang nadasmagan sa sakyanan ni Joseph Eliorda, 25.
Mitahan hinuon dayon si Eliorda samtang gidala sa Vicente Sotto Memorial Medical Center (VSMMC) sa dakbayan sa Sugbo ang mga biktima. (BANAT NEWS)