Way na’g Bikini Open atol sa Semana Santa
CEBU, Philippines - Gikalipay sa Provincial Women’s Commission nga walay nahitabong ‘bikini open’ o uban pang kalihokan nga nagpasundayag sa lawas nga mahulagway nga usa ka matang sa eksploytasyon ug pagpangabuso sa kahuyang sa mga kababayen-an niadtong Semana Santa.
Si Bise Gobernador Agnes Magpale, co-chairman sa PWC, nagkanayon nga wa silay nadawat nga report mahitungod sa maong mga kalihokan ilabi na sa isla sa Bantayan diin adunay bagang duot sa katawhan matag Semana Santa.
“Wala mi report karon. Nalipay kaayo ta. Ato gyud gibantayan ang Bantayan Island kay adto man gyud didto ang daghang tawo. But diha daw disco but after na sa procession,†sigon ni Magpale.
Daan na nga mipahimangno si Magpale mahitungod sa pagpahigayon og mga malaw-ay nga pasundayag nga gidili sa Provincial Women’s Code.
Sulod sa Women Development Code, ginadili ang mga beauty contests “that tend to “commodify, abuse, humiliate and treat women as sex objects.â€
“Kabalo na sila unsa among baruganan anang bikini open. Just like in the past, we might file a case if naa gyuy probable cause. Ang atong bantayan kana gyung pasundayag sa public,†matud ni Magpale.
Niadtong tuig 2009, mipasaka og kaso si kanhi gobernador ug karon Kongresista Gwendolyn Garcia batok sa mga artista nga sila si Maui Taylor, Jennifer Lee ug Paolo Paraiso tungod sa ilang pasundayag sa usa ka beach resort sa lungsod sa Sta. Fe didto sa Isla sa Bantayan taliwala sa Semana Santa. (BANAT NEWS)
- Latest
