CEBU, Philippines - Nagpahigayon og panagtigom niadtong Biyernes Santo ang mga opisyal sa Department of Health (DOH) 7 ug ang Police Regional Office (PRO)7 tungod sa report nga 14 sa 400 ka pasahero sa flight gikan sa United Arab Emirates taga Sugbo, diin usa sa ilang kasakay positibo didto sa maong nasud og MERS virus.
Sa text nga gipadala ni Supt. Renato Dugan, Public Information Officer sa PRO7, siya miingon nga nagtapok ang mga kadagkoan sa DOH-7 ug PRO-7 tungod kay nasubay nila nga 14 sa kapin sa 400 ka pasahero sa flight nga gikan sa Abu Dhabi niadtong petsa 15 taga Cebu.
Usa sa maong mga pasahero gipaubos na karon sa quarantine busa gipangita sa mga taga DOH, ug ang kapolisan nangita pa sa uban kun asa na sila nahimutang karon. Wa hinuon gibutyag ang mga pangalan sa maong mga pasahero nga taga Cebu.
Hinuon sa gihimong test sa DOH didto sa kaulohan, ang nurse nga giingong nagpositibo sa MERS virus didto, nasuta nga negatibo kini sa maong virus. Apan wala mokompyansa ang mga taga DOH tungod kay bisan pa man nga iyang na-overcome ang maong sakit apan posible nga carrier pa gihapon siya ug posible nga makatakod gihapon sa uban.
“To rule out the possibility that they may have been similarly exposed to the MERS-Corona Virus, the DOH urged all passengers of Etihad Flight EY 0424 that arrived at the NAIA on April 15 to call the following DOH hotlines: 711-1001; 711-1002; 0922-884-1564; 0920-949-8419; 0915-772-5621,†matud pa sa DOH. (BANAT NEWS)