Motor nabangga sa poste, drayber patay
CEBU, Philippines - Namatay ang usa ka drayber sa motorsiklo human mabangga sa puthaw nga poste didto sa Transcentral Highway, Sitio San Miguel, Barangay Pung-ol-Sibugay, dakbayan sa Sugbo kaniadtong Domingo sa gabii.
Ang biktima mao si Richard Gavito Labajo, 39, minyo nga nagpuyo sa Sitio Cantipla, Barangay Tabunan, dakbayan sa Sugbo.
Matud ni traffic investigator PO2 Chady Jawel Jungoy nga sakay ang biktima sa iyang motorsiklo pasado alas 10 sa gabii dihang wala niya maalinggati ang reflectorize nga poste.
Sigun sa kasayuran nga maayo’ng pagkalamba sa biktima ngadto sa karsada ug nakaingon sa iyang diha-diha nga kamatayon.
Wala dayon masuta kun ang biktima nagsul-ob ba og crash helmet samtang nagmaneho sa iyang motorsiklo.
Ang grabe nga kadaot sa ulo sa biktima maoy nakaingon sa iyang diha-diha nga kamatayon ug wala na makaabot pa sa tambalanan. (BANAT NEWS)
- Latest
