CEBU, Philippines -Walo ka balay ang naugdaw sa sunog nga miigo sa sitio Malocbaloc, Barangay Agujo sa Daanbantayan pasado alas 8 sa maiging buntag.
Ang nasunogan naila nga sila si Albert Illustrisimo Sr., Pedro Illustrisimo, Alvin Illustrisimo, Patricio Arcenal, Cheryl Compuesto, Gorgonio Sontousidad, Beltran Arriesgado.
Base sa imbestigasyon sa kapolisan, ang sunog nagsugod sa balay ni Albert Illustrisimo Jr. human gikatahong nagduwa og lighter ang iyang 2-anyos nga anak lalaki.
Dali nga mikatay ang maong kalayo sanglit sikit-sikit man ang kabalayan sa maong lugar.
Unom ka balay ang hingpit nga naugdaw ug duha ka balay ang partially burned nga gipanag-iya nila ni Milagros Compuesto ug ni Beltran Arriesgado.
Wala’y naangol ug nakalas sa maong sunog ug gibana-bana nga miabot og P100, 000 ang danyos sa maong sunog. (BANAT NEWS)