CEBU, Philippines - Ang kapolisan sa dakbayan sa Talisay mopahigayon sa “Oplan Lakbay Alalay†karong Semana Santa.
Si Talisay City acting police chief Reycel Carmelo Dayon mipasabot nga ang Oplan Lakbay Alalay nagpasabot nga modistino sila og mga polis nga modumala pagpahapsay sa trapiko. Ang dapit sa Talisay nga butangan og daghang traffic police mao ang Cebu South Coastal Road nga sigurado nga agian sa daghang mga sakyanan nga gikan sa kalungsuran panahon sa Semana Santa.
Nagtoo si Dayon nga atol sa Semana Santa ubay-ubay ang mga mopauli paingon sa tagsa-tagsa nila ka probinsiya.
Matud ni Dayon nga modestino siya og mga polis sa mga simbahan hangtod na sa sugat sa pagkabanhaw karong sunod Domingo.
Gipaabot nga atol sa sugat sa pagkabanhaw daghan ang mga mosimba mao nga pabantayan g’yud ang mga simbahan kay dili imposible nga ang mga badlungon moipon sa pundok ug mangita’g higayon nga makabiktima. (BANAT NEWS)