CEBU, Philippines - Nahupay ang kaguol sa usa ka midwife sa Barangay Lawaan III, dakbayan sa Talisay human ang iyang sweldo nga nahurot og kawagtang giuli sa nakapunit niini nga kawani sa Job Order Monitoring Team (JOMT) diha sa Talisay City Hall niadtong Lunes.
Ang honest nga kawani mao si Leovis Bayking kinsa uban ni Mae Fornolles miadto sa Public Information Office (PIO) ug gitunol nila ang sobre nga dunay sulod nga kwarta nga usa ka sweldohan sa midwife nga si Charisse Canada.
Ang buhatan sa PIO mao nay misubay kung asa madestino si Canada aron mauli ang sweldo niining nawagtang.
Si Canada mapasalamaton kaayo ni Bayking sa pag-uli sa iyang sweldo nga nawagtang.
Si Mayor Johnny V. De los Reyes mihangop sa pagkamatinud-anon ni Bayking. (/RUB)(BANAT NEWS)