CEBU, Philippines - Mokabat og P1.7 milyon nga kantidad sa mga butang ug salapi ang nakuha sa wa mailhing mga kawatan nga milungkab sa kwarto sa duha ka lalaki nga nag-abang diha sa La Guardia sa Lahug sa dakbayan sa Sugbo.
Ang biktima naila nga sila si Rommel Dumalag, 33, usa ka engineer nga lumad nga taga Hilongos, Leyte ug si Noel Los Baños, usa ka information technology technician nga lumad nga taga Valencia, Negros Oriental.
Base sa ocular inspection sa kapolisan nga ang mga biktima wala diha dihang nahitabo ang maong pagpanglungkab. Matud pa sa imbestigasyon nga giguba usa sa mga kawatan ang padlock sa kwarto sa mga biktima ug gikuha ang salapi ug mga butang nila.
Gikawat ang salapi nga P13 mil, duha ka laptop nga tag P30 mil ang usa, usa ka airsoft gun, duha ka karsones ug uban pang mga mahalong gamit ni Dumalag. Samtang si Baños nakuhaan sab og usa ka laptop nga mobalor og P35 mil, duha ka sapatos nga tag P3mil.
Si Chief Insp. Noli Cernio ang hepe sa TRS nga nahinabi sa The Freeman/Banat News miingon nga sa miaging gabii may suspek na sila sa maong pagpanglungkab. Ug matud pa ni Cernio nga ila nang gipakuhaan og “latent prints†o fingerprints ang maong suspek kun motakdo ba kini sa mga finger prints sa kwarto nga gilungkab. (BANAT NEWS)