CEBU, Philippines - Siyam ka empleyado sa Kapitolyo nagpositibo sa paggamit og illegal nga drugas human gipagawas kagahapon ang resulta sa gihimong random drug test nga gipahigayon sa miaging adlaw. Apan ipaubos pa hinuon ang ilang mga urine samples sa confirmatory test aron pagtino kun tinuod ba gyud silang nigamit og illegal drugs. Matud pa sa executive director sa Cebu Provincial Anti-drug Abuse Commission nga si Joey Herrera, kasagaran sa mga nagpositibo mga outsourced nga kawani sa Kapitolyo.
“PDEA(Philippine Drug Enforcement Agency) reported nga naay nine nga nag-positive. There are six offices involved. Most ( mga nagpositibo) are outsourced. Naay permanent, naay casual,†si Herrera nagkanayon. Karong Biyernes gikatakdang ipagawas sa PDEA ang resulta sa confirmatory test.
Ang Republic Act No. 9165 o ang Comprehensive Dangerous Drugs Act of 2002 nagmando og random drug testing alang sa mga opisyales ug kawani sa gobiyerno. Mokabat unta sa 200 ka kawani ug opisyales ang ipaubos sa drug test niadtong Lunes apan 169 lang ang nakatambong.
Lakip sa nagpaubos sa drug testing mao sila si Gov. Hilario Davide III, Bise Gob. Agnes Magpale, mga sakop sa Hunta Probinsyal ug mga department heads. (Michael Braga/EIM)
Bayot nangilad
na-entrap
Nasikop sa entrapment operation sa City Intelligence Branch sa Cebu City Police Office ang usa ka bayot nga fashion designer sa Osmeña Boulevard pasado alas 4:00 sa miaging hapon.
Ang suspetsado naila nga si Carl Miñoza, 24, molupyo sa sitio Bakayan, barangay Talamban sa dakbayan sa Sugbo.
Si Chief Insp. Romeo Santander miingon nga ang maong suspetsado nakabiktima og walo ka mga babaye.
Modus sa maong bayot nga magpailang fashion designer ug mangita og mga customers nga magpatahi niya og gown.
Sumala pa ni Santander, miduol sa CIB ang duha ka dalaga nga estudyante tungod kay wala na gyud nila ma-contact ang maong suspetsado.
Kataposan nila nga nakontak si Miñoza niadtong Marso 18, ug mibayad sila og P3,500 niini.
Nabalaka ang mga biktima nga dili na nila makuha ang ilang gown nga ilang gamiton sa ilang kalihokan sa eskuylahan.
Si Miñoza matud ni Santander nadakpan niadtong Marso 8 tungod kay nagpaila kining usa ka empleyado sa usa ka newspaper. (BANAT NEWS)