P6.9M na ang danyos sa sunog sa Sugbo
CEBU, Philippines - Ang Cebu City Fire Department mibutyag nga niabot na og P6.9 milyones ang kinatibuk-ang danyos sa mga sunog nga miigo dinhi sa syudad sa Sugbo gikan sa bulan sa Enero hangtud na sa bulan sa Marso ning tuiga.
Sigon pa ni FO2 Wendel Villanueva sa Cebu City Fire Department nga ang labing daghang sunog nga dinhi sa syudad nahitabo sa bulan sa Marso nga maoy pagtimaan sa Fire Prevention Month.
Gitug-an ni Villanueva nga base sa ilang natala nga record, dunay 65 ka insidente sa sunog nga niulbo sulod sa 27 ka adlaw sa bulan sa Marso lamang.
Hinuon iyang gitataw nga kasagaran niini mga nasunog nga kasagbutan o bush fires.
Gitumbok niini nga ang labing dakong sunog sa syudad mao ang niigo sa barangay Lorega -San Miguel nga nagbilin og 2.5 milyones peso nga danyos ug kapin sa singko mil ka tawo ang nawad-a’g panimalay. (/EIM)(BANAT NEWS)
- Latest
