CEBU, Philippines - Adunay balay-patigayon diha sa dalan Sikatuna, sakop na sa Barangay T. Padilla nga nakapahasol sa mga motorista.
Ang mao nga balay-patigayon nagnegosyo og mga puthaw ug dunay mga higayon nga ang forklift nga ilang gamiton sa pag-aswat sa mga puthaw, mag-atras-abante diha sa karsada nga makapugos sa mangagi nga sakyanan sa paghunong.
Diha usab sa mao nga dapit kanunay nga adunay magparking nga sakyanan daplin sa karsada apan gipasagdan ra sa mga mga sakop sa City Traffic Operations Management (CITOM).
Ang dalan Sikatuna maoy sagad agian sa mga sakyanan kun mopaingon sa dalan Colon gikan sa uptown areas ug bisan kadtong gikan sa P. del Rosario. Mga motorista nag-awhag sa CITOM nga unta atimanon nila ang problema. (BANAT NEWS)