‘Pusher’ naimbargohan og armas
CEBU, Philippines - Usa ka suspetsadong pusher og shabu ang naimbargohan og Ingram atol sa gipahigayong buy bust operation sa kapolisan diha sa sitio Kalan, barangay Poblacion, lungsod sa Cordova.
Ang nasikop mao si Edward Ravena, 31, residente sa sitio Kamino, barangay Gabi, Cordova.
Naimbargo sa mga polis gikan kang Ravena ang duha ka gagmay'ng pakete sa gituohang shabu ug P200 nga marked money.
Gawas niini giingong si Ravena naimbargohan usab sa mga polis og usa ka Ingram submachine pistol nga adunay 10 ka bala sa magazine niini.
Matud pa ni PO3 Archie Espinosa sa Cordova Police Station nga dugay na silang nakadawat og impormasyon kabahin sa ilegal nga kalihukan ni Ravena nga maoy ilang gipasikaran sa pagpahigayon sa buy bust operation. (BANAT NEWS)
- Latest
