CEBU, Philippines - Ang konseho sa dakbayan sa Sugbo miawhag sa kadagkoan sa kapolisan ug National Bureau of Investigation (NBI) nga hatagan sila og kalamboan sa pag-imbestigar nila sa pagbanhig ni Atty. Noel Archival.
Giaprobahan sa Cebu City Council kagahapon ang resolusyon ni Konsehal Gerardo “Gerry†Carillo nga nag-awhag sa kapolisan ug NBI nga hatagan sila’g “update†sa buwag nila nga imbestigasyon.
Ang TF Archival mapanagan-on kaayo mohatag og inpormasyon sa mga sakop sa media apan dunay mga konsehal nga nagduda nga ang kapolisan naglisod g’yud sa pagsulbad sa pagbanhig ni Archival.
Ang gibanhigan nga abogado manghod ni Konsehal Nestor Archival nga kauban ni Carillo sa konseho. Si Atty. Archival maoy naglaban ni Carillo dihang gipasanginlan siya nga mihapak og bato sa usa ka bata.
Gawas ni Atty. Archival, iyang duha ka kauban napatay ‘sab ug laing usa naangol dihang gibanhigan sila luwan sa ilang sakyanan didto sa Barangay Coro, Dalaguete tulo ka semana na ang milabay. (BANAT NEWS)