CEBU, Philippines - Gisugdan na sa Food and Drug Administration Central Visayas (FDA-7) ang pagpa-pullout sa produktong Nagaraya Cracker Nuts Original Butter Flavor human mamatud-ing duna kini makadaot nga kemikal.
Ang kamanduan naggikan sa FDA Manila tungod sa kataas sa level sa Aflatoxins, usa sa nag-unang carcinogenic substances o maka-kanser sa tawo.
Kadtong mga produkto nga may lot number nga 14019 ug may expiry date nga January 24, 2015 mao ra hinuoy ipa-recall.
Ang FDA nakig-alayon na sa mga distributors nga sila na lang maoy mangunay sa pag pullout sa maong mga produkto tungod kay sila maoy dunay kasayuran kun asa nila kini gihatud.
Samtang may pahimangno ang FDA-7 sa publiko nga susihon gyud ang ilang palitong Nagaraya kay basin kadtong may lot number 14019 ang ilang napalit. Kung napalit na nila kini mahimo nila kining hipuson ug iuli ngadto sa supplier aron ma-refund. (BANAT NEWS)