CEBU, Philippines - Napusilan patay ang usa ka wala pa mailhing lalaki nga armado og kalibre .38 nga revolver human kini mipunting sa iyang armas ngadto sa polis nga miresponde sa alarma pasado ala-una sa miaging hapon.
Si PO3 Rolando Andales, desk officer, nga nahinabi sa Banat News miingon nga nakadawat og alarma ang kapolisan niadtong Biyernes tungod kay may tawo nga armado sa barangay East Poblacion sa dakbayan sa Naga.
Sila si PO2 Gilmer Noval ug si PO3 Orland Condes daling miadto sa lugar apan sa ilang pag-abot gikatahong gitionan og armas sa maong lalaki si PO2 Noval maong giunhan kini pagpusil sa maong polis.
Daling gihatod sa Minglanilla District Hospital ang maong lalaki apan gideklarar na kini nga patay na.
Matud pa ni Andales nga gibanabanang nagpangidaron og 30-40 anyos, nagsul-ob og kolor puwa nga shorts ang maong lalaki.
Apan sumala ni Andales nga nagduda silang “nalisoan sa pangisip†ang maong lalaki ug gikataho nga taga “Cebu†kini.
Hangtod karon wala pay pamilya nga mi-claim sa patay nga lawas sa maong lalaki matud pa ni Andales. - /EIM (BANAT NEWS)