Navy manawat na usab og recruit

CEBU, Philippines - Ang Philippine Navy subling mipahigayon sa ilang tinuig nga recruitment program  alang niadtong interesadong mosud sa serbisyo sa militar.

Ang Visayan Mobile Recruitment ipahigayon karong Marso 10 ngadto sa 18 sa University of Cebu (UC) Main Campus sa Sanciangko Street, Cebu City. Ang Naval Forces Central (NAVFORCEN) nga mas makadaginot ang aplikante pinaagi sa mobile recruitment kay di na sila kinahanglang mobiyahe sa Manila aron mo-apply sa navy.

Ang proseso sa rekisitos himuon sa unang tulo ka adlaw sa recruitment schedule sa Personnel Office, Naval Forces Central. Ang mo-apply kinahanglang magdala sa original ug photocopy sa birth certificate, duha ka 2x2 colored pictures, NBI clearance, ug application form.

Kinahanglan og Transcript of Records kadtong gustong mag-opisyal pinaagi sa National Officers Candidate Course (NOCC). Ang Basic Seamanship Course (BSC) kinahanglan og Form 137, certificate gikan sa vocational school.

 Dugang gipahibaw ni Ensign Jaypee Abuan sa Public Affairs Office nga modawat na sila karon og high school graduates nga nakakuha og NC II certificates gikan sa Technical Education and Skills Development Authority (TESDA) aron mahatagan og higayon ang technically-skilled nga maapil sa naval forces.

 Ang gusto mag-opisyal mahimong mo-apply basta dili moubos sa 21-anyos apan dili sab molapas sa 28-anyos ug gradwado sa upat o lima ka tuig nga kurso sa kolehiyo.

Alang sa enlisted personnel, kinahanglang 18 ngadto sa 23-anyos, dunay 72 college units o nakakuha na og NC II certificate sa Electronics and Communications, Aviation, Aircraft Maintenance, Electricians, Mariners, Welders, Plumbers, Mechanics (Gas, Diesel Tubine) ug ingon man heavy equipment operations.

 Motubag usab ang navy og mga pangutana sa official Facebook account sa ilang buhatan, "Navforcen PN"  o mobisita sa ilang buhatan sa Naval Base Rafael Ramos, Barangay Looc, Lapu-Lapu City. Mamahimo usab nga mobisita sa Cebu City Naval Reserve Center Eastern Visayas sa Pier 3, Arellano Boulevard, Cebu City.

 Kadtong naa sa Bohol, adto lang sa 514th NROTC Unit sa PMI College Bohol, CPG Ave., Tagbilaran City ug kontaka ang numero 0939-794-

Sa Siquijor, mamahimong moadto sa 563rd NROTC Unit sa Siquijor State College, Larena, Siquijor.  (BANAT NEWS)